Референдумға қатысқан қала тұрғындарының қарасы мол

Мемлекет басшысы Қасым-Жомарт Тоқаев Қазақстан халқына Үндеу жасап, Қазақстан Конституциясына өзгерістер енгізу туралы хабарлады. Сонымен бірге, 2022 жылғы 5 мамыр күні 5 маусымда республикалық референдум өткiзу туралы жарлыққа қол қойған болатын. Бүгін Қосшы қаласындағы №1 және №2 мектептерде ашылған сайлау бөлімшелері Конституцияға қатысты республикалық референдум Қосшы қаласының әкімі Гайдар Қасеновтың қатысуымен сағат 7-де ашыла бастады. Республикалық референдумға қатысқан қала тұрғындарының қарасы көп болды. Қосшы қалалық мәслихатының төрағасы Болатбек Ибраевтың айтуынша, қосшылықтар жаңа өзгерістерге дайын, қала жұртшылығы тағдыршешті мәселеге бей-жай қарамайды. «Референдум басталғаннан бастап сайлау бөлімшелеріндеміз. Ел бойынша өтіп жатқан ауқымды шарға Қосшы қаласының тұрғандары да белсенді қатысып жатыр. Әр түрлі жастағы адамдар: жасы бар, жасамысы бар, тіпті қарт кісілер де бұл шарадан қалыс қалмағаны байқалады. Қазірге дейін ешқандай заң бұзушылық тіркелген жоқ», – дейді «Партиялық емес бақылау орталығы» Республикалық қоғамдық бірлестігінің Ақмола облысы филиалының өкілі, бақылаушы Алмира Әскербекова. Қосшы қаласында өткен референдум жайында толығырақ қалалық «Jańa Bastau» басылымынан оқи аласыздар!